AI анализа на договор
Прикачете договор, анекс, решение или друг акт. Ќе добиете кратко резиме со важните точки и ќе видите кои одредби се поволни, а кои се ризични.
Документот се испраќа до AI моделот само за оваа анализа и не го чуваме. Резултатот се чува само во вашиот прелистувач.
Што добивате од анализата
Наместо да го читате договорот член по член, за една минута гледате што е важно и на што да внимавате.
Резиме и важни точки
Кој со кого склучува договор, за што, за колку пари, до кога и под кои услови: страните, износите, роковите, обврските, отказот и казните.
Позитивни страни
Одредбите што се поволни или добро уредени. Ако ја наведете вашата улога (купувач, закупец, работник), оценката е од ваша гледна точка.
Ризици и што недостасува
Еднострани, нејасни или неповолни одредби, одредби што можат да бидат спротивни на закон и важни работи што ги нема, со предлог што да побарате.
Чести прашања за AI анализата
Кои документи можам да ги анализирам?
Договори (за закуп, купопродажба, вработување, заем, дело, соработка), анекси, решенија, општи услови, понуди и други правни и деловни акти, на македонски или на друг јазик. Анализата секогаш е на македонски.
Во кој формат треба да биде документот?
PDF, Word (.docx) или слика (JPG, PNG). Скениран договор можете да го прикачите како PDF или како повеќе слики, по една за секоја страница, до 10 страници.
Колку чини анализата?
Моментално анализата е бесплатна.
Дали документот се чува?
Не. Документот се чита во вашиот прелистувач, а текстот или сликите се праќаат до AI моделот само за анализата. Резултатот останува кај вас: во прелистувачот, како PDF или како линк.
Дали AI анализата е правен совет?
Не. Анализата ја прави вештачка интелигенција и може да има грешки или да пропушти нешто. Таа ви помага побрзо да го разберете договорот, но пред да потпишете важен договор консултирајте се со адвокат или нотар.
Ви треба нов договор наместо проверка? Погледнете ги образците за договори, кои се бесплатни.